Сб. Апр 20th, 2024

SHAMSHYAN.com-ի տեղեկություններով Հայաստանի Քննչական կոմիտեի Գեղարքունիքի մարզային քննչական վարչության Մարտունու քննչական բաժնում նախաձեռնվել է վարույթ օգոստոսի 25-ին Գեղարքունիքի մարզում տեղի ունեցած ավտովթարի փաստով: Այդ օրը, ժամը 15:00-ի սահմաններում, Գեղարքունիքի մարզի բնակիչ 41-ամյա Բրո Ա.-ն իր վարած Lexus մակնիշի ավտոմեքենայով, դեռևս անհայտ հանգամանքներում Սևան-Մարտունի-Գետափ ավտոճանապարհի 58 կմ հատվածում գլխիվայր շրջվել է:

Վթարի հետևանքով վարորդ Բրո Ա.-ն մարմնական վնասվածքներով տեղափոխվել է «Մարտունի» բժշկական կենտրոն:

Դեպքի վայր են ժամանել ՀՀ ՆԳՆ Ոստիկանության Պարեկային ծառայության Գեղարքունիքի մարզի գումարտակի պարեկները՝ ավագ տեսուչ Ներսիկ Գրիգորյանի գլխավորությամբ: