Пн. Май 20th, 2024

SHOT տելեգրամյան ալիքը մանրամասներ է հայտնել նախօրեին Մոսկվայի Տագանսկի շրջանի Նիժեգորոդսկայա փողոցում ծեծի ենթարկված 8 ամսական երեխայի մասին։

Նրան նախօրեին շտապօգնության մեքենան ծանր վիճակում տեղափոխել էր Նիժեգորոդսկայա փողոցի բնակարանից։ Երեխայի մոր խոսքով` նա ընկել է որդու վրա էպիլեպսիայի ժամանակ, սակայն բժիշկները հաստատել են հետաքննության վարկածը, որ երեխային ծեծել են ու շատ դաժանաբար։

Հետազոտության ընթացքում նորածնի մոտ ախտորոշվել է ուսի բաց արատավոր կոտրվածք, նախաբազկի և ազդրերի փակ թերաճ կոտրվածք, դեմքի և մարմնի հեմատոմաներ, փակ գանգուղեղային վնասվածք և ուղեղի ցնցում։ Ըստ բժիշկների՝ 8 ամսական երեխան հրաշքով է ողջ մնացել։ Այժմ ամեն ինչ անում են նրան փրկելու եւ վիճակը կայունացնելու համար։

Երեխայի մայրը բերման է ենթարկվել։ Հայտնի է, որ տղան ընտանիքի երրորդ երեխան է, երկու մեծ երեխաներին տարել են սոցիալական աշխատողները, իսկ դատարանը կնոջը զրկել է ծնողական իրավունքներից։

Հարուցվել է քրեական գործ «Անչափահասի կամ այլ անձի նկատմամբ դիտավորությամբ առողջությանը ծանր վնաս պատճառելը» հոդվածով։